Ֆրանսիայի նախագահ Էմանուել Մակրոնն իր հեռուստաելույթը սկսել է ութից երկու րոպե պակաս, որպեսզի ֆրանսիացիները երեկոյան ժամը ութին հասցնեն պատշգամբ դուրս գալ և ծափահարելով իրենց երախտագիտությունը հայտնեն բժիշկներին:
Ֆրանսիայի ղեկավարն իր ելույթի հենց սկզբում ասել է, որ հույսը վերադառնում է, բայց միևնույն ժամանակ նա թվարկել է այն շրջանները, որտեղ հիվանդանոցները դեռ լիքն են հիվանդներով:
«Եվ, հետևաբար, մենք պետք է շարունակենք մեր ջանքերը և կիրառենք կանոնները»,- ասել է Մակրոնը և հայտարարել, որ խիստ մեկուսացման միջոցառումները կերկարաձգվեն մինչև մայիսի 11-ը:
Փակ կմնան սրճարանները, ռեստորանները, կինոթատրոնները և ոչ պարենային խանութները: Մարդկանց տեղաշարժի խիստ սահմանափակումները նույնպես կպահպանվեն:
