Միացյալ Նահանգները և «Թալիբան» արմատական շարժումը կարող են հաշտության համաձայնագիր ստորագրել արդեն ընթացիկ ամսում: Փետրվարի 12-ին այդ մասին հայտնել է Reuters գործակալությունը՝ վկայակոչելով արևմտյան դիվանագետների և Աֆղանստանի կառավարության աղբյուրներ՝ տեղեկացնում է TASS-ը:
Նրանց խոսքով՝ դա կարող է տեղի ունենալ այն դեպքում, եթե շարժման ներկայացուցիչները զգալիորեն կրճատեն բռնության մասշտաբները: Թալիբներն իրենց հերթին պատրաստ են մինչև յոթ օր ժամկետով կարճաժամետ զինադադարի՝ նշել է Associated Press գործակալությունը:
Փետրվարի 11-ին ազգային անվտանգության հարցերով ԱՄՆ-ի նախագահի օգնական Ռոբերտ Օ’Բրայենը հայտարարել է, որ Վաշինգտոնը մոտ է թալիբների հետ համաձայնությունների հասնելուն, սակայն կոնկրետ ժամկետներ չի նշել: Խոսելով ամերիկյան զորքերի դուրսբերման հեռանկարների մասին՝ նա հասկանալ է տվել, որ մոտ ժամանականերս դա տեղի չի ունենա: Օ’Բրայենի խոսքով՝ թալիբները պետք է երաշխավորեն կապերի խզումն «Ալ Քաիդա», «ԴԱԻՇ» կազմակերպությունների և այլ ահաբեկչական խմբավորումների հետ: