«Ժողովուրդ» թերթը գրում է. ««Էրեբունի պլազա» հյուրանոց զենքով ներխուժման գործով կալանավորված Արթուր Թորոսյանը դեռևս ցուցմունք չի տվել, այս մասին «Ժողովուրդ» օրաթերթի հետ զրույցում նշեց վերջինիս պաշտպան էդուարդ Աղաջանյանը՝ նշելով, որ նրա մասով նշանակվել է դատահոգեբուժական փորձաքննություն.
«Մինչև եզրակացությունը չգա, երևի թե ձեռնպահ մնանք որևէ քննչական գործողություն պլանավորել, քանի որ պարզ չէ՝ այդ ցուցմունքներին ինչպես պետք է վերաբերվենք մինչև եզրակացություն տալը»։
Նշենք, որ ըստ փաստաբանի՝ մինչև այժմ չկա տեղեկություն, որ նա որևէ հոգեբուժական կենտրոնում հաշվառված է եղել։ Ավելին, փաստաբան Աղաջանյանը նշեց, որ Արթուր Թորոսյանին տեսել է երկու օր առաջ, երբ նրան դատարան էին բերել՝ դատահոգեբուժական փորձաքննություն նշանակելու հարցի հետ կապված, և Թորոսյանը դատարանին որևէ բան չի ասել։
Հիշեցնեք, որ հունվարի 23-ին՝ ժամը 14:40-ի սահմաններում, ՀՀ ոստիկանությունն ահազանգ էր ստացել, որ մի տղամարդ զենքով ներխուժել է «էրեբունի պլազա» հյուրանոց, կրակում է և պահանջում հայտնել Ռոբերտ Քոչարյանի գրասենյակի տեղը, քանի որ ցանկանում է հանդիպել Վիկտոր Սողոմոնյանին»:
Առավել մանրամասն՝ թերթի այսօրվա համարում:
