Այսօր` հունվարի 31-ին, մեկնարկեց ԵՊՀ հոգաբարձուների խորհրդի նիստը։ Օրակարգային առաջին հարցը ԵՊՀ ռեկտորի ընտրության կանոնակարգի փոփոխությունն էր, որից հետո սահմանվեց նաև Երևանի ԵՊՀ ռեկտորի ընտրության օրը։ Ընտրությունը կլինի մարտի 23-ին։
Հաստատվեց նաև ԵՊՀ Իջևանի մասնաճյուղի ռեկտորի ընտրության օրը, այն կանցկացվի մարտի 16-ին։
Հիշեցնենք, որ Կապանում իր ասուլիսի ընթացքում վարչապետ Նիկոլ Փաշինյանը հայտարարեց, որ 2 տարի բուհերում ռեկտորների ընտրություններ չեն լինելու, կառավարությունը երկու տարով բուհերում ժամանակավոր կառավարիչներ է նշանակելու, մինչև կրթական համակարգը բարեփոխեն և ռեկտորների թափուր պաշտոնների համար մրցույթներ հայտարարեն։
