«Հայկական ժամանակ» թերթի տվյալով՝ օրերս Երևանի մերձակա Մուղնի գյուղի Սուրբ Գևորգ եկեղեցում կայացել է Հայաստանում Մեծ Բրիտանիայի արտակարգ և լիազոր դեսպան Չառլզ Լոնդսդեյլի և Հայաստանի քաղաքացի Մարիա Սադոյանի պսակադրության արարողությունը։
Հրատարակության տվյալով՝ Մարիա Սադոյանը Երևանում Մեծ Բրիտանիայի դեսպանության կապերի բաժնի ղեկավարն է։
Ամուսնությունն ու հանդիսավոր արարողությունը անցել են Հայ Առաքելական եկեղեցու ավանդույթների համաձայն։
Արարողությանը մասնակցել են միայն փեսացուի և հարսնացուի ընտանիքի անդամները, մի քանի մտերիմներ։
Հիշեցնենք, որ Չառլզ Լոնդսդեյլը Հայաստանում Մեծ Բրիտանիայի արտակարգ ու լիազոր դեսպան նշանակվեց 2008 թ. հունվարին։ Նրա դիվանագիտական առաքելությունն ավարտվում է այս տարվա դեկտեմբերին։
Ենթադրվում է, որ դրանից հետո զույգը կմեկնի Լոնդոն։ Այս մասին հաղորդում է «Ռեգնում» գործակալությունը։
