Грузия Online-ը, վկայակոչելով Reuters գործակալությանը, հայտնում է, որ թուրքական դատարանն Անկարայում գտնվող ԱՄՆ դեսպանատան վրա հարձակում պլանավորած 14 անձանց նկատմամբ որպես խափանման միջոց է ընտրվել կալանքը։ Թուրք իրավապահների տվյալներով՝ այդ անձինք հանդիսանում են ահաբեկչական «Ալ-Քաիդա» կազմակերպության անդամներ։
Նրանք բոլորն էլ ձերբակալվել են հուլիսի 12-ին՝ ԱՄՆ պետքարտուղար Հիլարի Քլինթոնի թուրքական այցի (հուլիսի 15) նախաշեմին։ Նրանց տների խուզարկության ժամանակ ոստիկանությունը հայտնաբերել էր 700 կիլոգրամ պայթուցիկ նյութ։
Թուրքական հատուկ ծառայությունները կարծում են, որ ձերբակալվածները մի շարք ահաբեկչական ակտեր էին պլանավորել՝ ի պատասխան թիվ մեկ ահաբեկիչ Ուսամա բեն Լադենի սպանության։
Հիշեցնենք, որ «Ալ-Քաիդա»-ի թուրքական մասնաճյուղը մեղադրվում է ստամբուլյան երկու սինագոգների, Մեծ Բրիտանիայի հյուպատոսության ու բանկի վրա գործած հարձակումների մեջ, որոնց արդյունքում տուժել է ավելի քան 60 մարդ։
