ԱՊՀ անդամ-երկրների տիեզերքի հարցերով միջպետական հանձնաժողովը կգլխավորի Բելառուսի Գիտությունների Ազգային Ակադեմիայի նախագահ Վլադիմիր Գուսակովը: Այսպիսի որոշում է ընդունել միջպետական հանձնաժողովն իր առաջին նիստի ժամանակ: Նիստին մասնակցել են Հայաստանի, Բելառուսի, Ղազախստանի եւ Ռուսաստանի ներկայացուցիչները, հայտնում ТАСС-ը:
«Մեր հանձնաժողովը բաց է ԱՊՀ մյուս անդամների համար: Յուրաքանչյուր երկիր մինչ այժմ առանձին էր զարգացնում իր ծրագրերը տիեզերքի հետ կապված, այժմ մենք պետք է կոորդինացնենք մեր ծրագրերը, որպեսզի լինի ընդհանուր համաձայնեցված ծրագիր՝ տեղեկատվությունը փոխանակելու համար», նշել է հանձնաժողովի նախագահը: