Թուրինի «Յուվենտուսի» հարձակվող Կրիշտիանու Ռոնալդուն պատմել է, թե ինչ է պատրաստվում անել ֆուտբոլային կարիերայի ավարտից հետո: Մարզիկի խոսքերը մեջբերում է Goal.com-ը:
Պորտուգալացին հույս հայտնեց, որ կարող է 50 տարուց ավելի ապրել՝ շատ բաներ իմանալու և նոր մարտահրավերներ ընդունելու համար։ «Այդ մարտահրավերներից մեկը ֆիլմերում խաղալն է»,- նկարագրել է Ռոնալդուն: Նա նաև նշեց, որ միշտ խորհուրդ է տալիս ինչ-որ նոր բան սովորել և ինքն էլ այդպես է անում:
34-ամյա հարձակվողը «Յուվենտուսում» հանդես է գալիս 2018-ի ամռանից և նվաճել է Իտալիայի առաջնությունը: Այս մրցաշրջանում նա առաջնության 14 խաղում դարձել է տասը գոլի հեղինակ: Թուրինի գլխավոր մարզիչ Մաուրիզիո Սարին մի քանի անգամ խաղերից ազատել է Ռոնալդուին, որ նա հանգստանալու հնարավորություն ունենա:
