Անդրադառնալով ԱԺ նախագահ Հովիկ Աբրահամյանի կողմից իշխանության աշխատանքային խմբի կազմի հրապարակմանը՝ ՀԱԿ ներկայացուցիչ Մյասնիկ Մալխասյանը «Առաջին լրատվականին» ասաց. «ՀԱԿ-ը կբանակցի միայն նախագահի կողմից լիազորված անձանց հետ, ովքեր կունենան մանդատներ» և հավելեց. «ՀԱԿ-ը բազմիցս ասել է, որ բանակցելու է միայն իշխանությունը ներկայացնող մարդկանց հետ։ Ուստի ինձ թվում է, որ իշխանությունը պետք է հաշվի առնի այս հանգամանքը և լիազորի այնպիսի մարդկանց, որոնք կներկայացնեն իշխանությունը»։
Մեր հարցին, թե ինչու է այս մասին նախ հայտարարում նախագահականը, իսկ հետո ԱԺ նախագահը, ՀԱԿ ներկայացուցիչը պատասխանեց. «Այս ամենը արվում է ժամանակ ձգելու համար, բայց կասկած չկա, որ թեկուզ հարկադրված, բայց կգնան երկխոսության, որովհետև դա անհրաժեշտ է նախևառաջ երկրին՝ այս կեղծված իրականությունը վերացնելու համար»։
