Ուկրաինան Իսպանիային է հանձնել Բաթիր Բուխարսկի մականունով ռուսաստանցի օրենքով գողին: Նա միջազգային հետախուզման մեջ էր 2017 թվականից: Այս մասին հաղորդվում է Ուկրաինայի ազգային ոստիկանության կայքում:
Իր «տիտղոսը» նա ստացել է 1998-ին՝ օրենքով գող Դեդ Հասանից (Ասլան Ուսոյան), երկար ժամանակ եղել է մեկ այլ օրենքով գողի՝ Յապոնչիկի (Վյաչեսլավ Իվանկով) վստահված անձը:
Ձերբակալվածը ապօրինի մուտք է գործել Ուկրաինայի տարածք 2019 թվականի ապրիլին: Նրան ձերբակալել են Կիևի մարզում:
Իսպանիայում Բատիր Բուխարսկին մեղադրվում է կազմակերպված հանցավոր խմբավորում ստեղծելու մեջ, որը զբաղվել է փողերի լվացմամբ՝ անշարժ գույքի գնման միջոցով: Նրան մինչև 17 տարվա ազատազրկում է սպառնում:
