Ամանորյա նվերներ՝ Վայոց ձորի սահմանապահ մի քանի գյուղերի մանկապարտեզների և նախակրթարանների սաների համար

ԱԺ պատգամավոր Արման Բաբաջանյանը ֆեյսբուքյան իր էջում գրել է.

Վայոց ձորի սահմանապահ Խաչիկ, Խնձորուտ, Նոր Ազնաբերդ և Բարձրունի գյուղերի մանկապարտեզների և նախակրթարանների սաների համար «Դեպի սահման» ծրագրի շրջանակներում իմ գաղափարակից ընկերների և հովանավորների հետ պատրաստել ենք այսպիսի նվերներ:

Ամանորի ու Սուրբ ծննդյան տոներն ուզում ենք առանձնահատուկ և անմոռաց դարձնել սահմանի ուղիղ հայացքի ներքո բնակվող մանուկների համար:

Մանկական գրքեր, տետրեր, կոնֆետներ, քաղցրավենիք, գունավոր մատիտներ, ֆլոմայստերներ և այլ մնայուն նվերներ ենք պատրաստել մեր հերոս սահմանապահ բնակիչների դեռահաս երեխաների համար:

Մեր այս առաջին ձեռնարկին մասնակցել են նաև ֆեյսբուքի իմ պաշտոնական էջի մի քանի տասնյակ հետևորդ-նվիրատուներ: Առաջիկայում նրանց անունները կներկայացնեմ առանձին-առանձին:

Անմնացորդ ջանքի, նվիրումի համար, նվերները խնամքով ի մի բերելու և փաթեթներով առանձնացնելու համար առանձնահատուկ շնորհակալություն Արթուր Բարսեղյանին:

Առատ նվերներին թող սպասեն Տավուշի և Գեղարքունիքի մարզերի սահմանապահ բնակավայրերի մանկահասակ բոլոր երեխաները:

Այդ մասին՝ հաջորդիվ:

https://www.facebook.com/babajanyana/posts/2948751418488899?__xts__[0]=68.ARBfboncv_JWtzKtD8OrVZUlZedu0KLt-12R6XnbexU9SFuw1BIjOtD-QTOviRM37nU0bb3CxbyrqS8Qs8731942dP_wyQHpupDrkwuAhgrh77kvUhXuEdQHexeHzusZA14ZQ_inFyJJgXqjkb_D61P0UMhfDpnRHCEX48j6iuAqQyWp_SXLXjBluV-wSg_c5umJiJ7ZqwTAGLk_uUf_wFdJEKHVsYcs3ecwFiz-29caDGmVpxpzUrct1W0AwXMMrZaqyH6EvCFel13tNe1u8EEF9WstLW9zbtJG0r89vS5MbNGVYTXtHkVb5sLrOJM-EVey9GgZNOMnQNwJd15UDUuJbRKX&__tn__=-R