Հայաստանի ֆուտբոլի ֆեդերացիայի նորընտիր նախագահ Արմեն Մելիքբեկյանը կարևորում է հայկական ֆուտբոլում անջրպետների առկայությունը: Նա հայտարարեց, որ ֆուտբոլի զարգացման շրջանակներում պատրաստ է համագործակցել թե գործկոմի նախկին և ներկա անդամների և թե ֆուտբոլային ընտանիքի բոլոր ներկայացուցիչների հետ:
«Շնորհակալ եմ բոլորին՝ և՛ իմ օգտին քվեարկածներին, և՛ նրանց, ովքեր իմ օգտին չեն քվեարկել: Մեզ համար բավական կարևոր պահ է, այսօր հայկական ֆուտբոլում մի իրադրություն է, երբ երկար տարիների ընթացքում առաջին անգամ կայացել են մրցակցային ընտրություններ: Հետագայում բազմաթիվ առիթներ կլինեն խոսելու, անդրադառնալու այն իրողություններին, որոնք գրանցվել են այս վերջին մեկ ամսվա ընթացքում: Ես հիմա միայն կարող եմ ասել, որ բոլոր այն մարդիկ ու ՀԿ-ները, որոնք ՀՖՖ-ի անդամ են, ինչպես նաև բոլոր ֆուտբոլային սուբյեկտները գալիք ամիսների ընթացքում հավաստիանալու են, որ ՀՖՖ-ում գործընթացները լինելու են թափանցիկ և անցկացվելու են քննարկումների միջոցով: Մենք ունենալու ենք հնարավորինս միասնական ու համախմբված ֆուտբոլային ընտանիք: Ես ամեն ինչ անելու եմ դրա համար: Շնորհակալ եմ բոլոր ներկաներին: Հավաստիացնում եմ, որ հնարավոր ամեն բան անելու ենք բոլորի սպասելիքներն արդարացնելու համար»,- լրագրողների հետ հանդիպմանն ասաց Արմեն Մելիքբեկյանը:
Մանրամասները` տեսանյութում