Թուրքիայում նախագահ Ռեջեփ Թայիփ Էրդողանի մասնակցությամբ տեղի է ունեցել տեղական արտադրության «Piri Reis» անունը կրող առաջին սուզանավի՝ ծով իջեցնելու հանդիսավոր արարողությունը։ Սուզանավն ունի 68մ երկարություն և ջրի տակ կարող է մնալ 50 օր: Սուզանավի անձնակազմը բաղկացած է 40 հոգուց:
Ավելի վաղ Էրդողանը հայտարարել էր «Նոր տիպի սուզանավեր» նախագծի մասին, որի շրջանակներում նախատեսվում է արտադրել 7 տեղական սուզանավ, որոնց արտադրությունը նախատեսվում է ավարտել մինչև 2027թ․:
Աղբյուրի տեղեկացմամբ՝ 2-րդ սուզանավն այժմ գտնվում է տեխնիկական համալրման փուլում, 3-րդ և 4-րդ սուզանավերի պատրաստումն ընթացքի մեջ է: Թուրքիայի նախագահի մասնակցությամբ տեղի ունեցած միջոցառման ժամանակ տրվել է նաև 5-րդ սուզանավի արտադրության մեկնարկը:
