Լյուբյանկայում հրաձգություն իրականացնելու մեջ կասկածվող Եվգենի Մանյուրովի մոր բնակարանի խուզարկության ժամանակ իրավապահ մարմինների աշխատակիցը հարվածել է Baza-ի լրագրողուհի Աննա Նիկիտինային՝ գրում է meduza.io-ն:
Նիկիտինան հայտնվել է կնոջ բնակարանում քննիչներից առաջ և այնտեղ է եղել, երբ նրանք ժամանել են խուզարկության համար: Նրա խոսքով՝ երբ քննիչները տեսել են իր՝ լրագրողի հավաստագիրը, իրեն հանձնել են «մի մարդու, որը ղեկավարել է խուզարկությունը»: Սկզբում նա սպառնացել է Նիկիտինային՝ ասելով, որ այլևս չի կարողանա աշխատել որպես լրագրող, այնուհետև հարվածել է դեմքին։
«Աննան վնասվածքները արձանագրել է և այժմ հարցաքննության է մեկնում ԱԴԾ. նրան ներգրավել են որպես վկա»,- հայտնում է Baza-ն: