ԱՄՆ նախագահ Դոնալդ Թրամփը հայտարարել է, որ Ամերիկան չի ցանկանում օգտագործել իր «աշխարհի ամենահզոր զենքը»:
«Մենք արտադրում ենք աշխարհի ամենահզոր զենքը: Մենք նույնիսկ չենք ցանկանում խոսել դրա մասին, մենք չենք ցանկանում օգտագործել այն: Բայց մենք կարող ենք մեզ թույլ տալ չօգտագործել այն միայն այն պատճառով, որ մենք դա ունենք»,- ասել է նա հինգշաբթի օրը Միչիգանի նահանգում կայացած հանրահավաքում:
Նրա խոսքերով, ԱՄՆ-ը «կառուցում է սուզանավեր, որոնց հզորությունը մինչ այժմ ոչ ոք չի տեսել», և որ նրանք մերժում են այլ երկրների նման միջուկային սուզանավերի վաճառքի խնդրանքները:
Նա առանձնահատուկ նշել է նորագույն F-35 կործանիչ-ռմբակոծիչները և Թոմ Քրուզին, որը «Տոպգան» ֆիլմում հանդես է եկել կործանիչի օդաչուի գլխավոր դերակատարմամբ:
«Ես եղել եմ այն վայրերից մեկում, որտեղ դրանք ցուցադրվում են: Ես այնտեղ հանդիպել եմ օդաչուների հետ: Եվ, անկեղծ ասած, նրանք ավելի լավ տեսք ունեն, քան Թոմ Քրուզը: Լավ կինո է: Լավ տղա է, ի դեպ: Դեմքերը նույնն են, գուցե մի փոքր ավելի լավն են, ավելի թիկնեղ և ուժեղ:
Նրանք հաստատ կարող են մարտնչել»,- ասել է Թրամփը ներկաների ծիծաղի ներքո:
