Նախօրեին Հայաստանում ԱՄՆ-ի դեսպանի պաշտոնում ԱՄՆ վարչակազմի կողմից առաջադրված Ջոն Հեֆերնը ելույթ ունենցավ Սենատի արտաքին հարաբերությունների հանձնաժողովում, խոսեց 1.5 միլիոն հայերի սպանության մասին, սակայն այդ իրադարձություններին չտվեց «ցեղասպանություն» որակումը:
«Առաջին լրատվականի» հետ զրույցում քաղաքական գործիչ, Աժ պատգամավոր Հովհաննես Սահակյանն իր խոսքում մասնավորապես ասաց, որ իհարկե, շատ լավ կլիներ, որ Ջ.Հեֆերնը արտասաներ այդ բառը, սակայն դրանից ոչինչ չի փոխվում։
«Դա մեր գերխնդիրը չպետք է լինի։ Դա էլ թող իրենց իրենց խղճին մնա։ Պետք է այնպես անել, որ միջազգային հանրությունը ճանաչի Հայոց ցեղասպանությունը»,- ասաց պատգամավորը՝ նշելով, որ իհարկե, կան դիվանագիտական, աշխարհաքաղաքական խնդիրներ, սակայն «գալու է մի պահ, որ Ցեղասպանությունը ճանաչեն բոլորը»։
