Առևտրական վեճերի կարգավորման շուրջ ԱՄՆ-ի և Չինաստանի պայմանավորվածությունների առաջին մասը վերջնականապես կհամաձայնեցվի «մեկ-երկու շաբաթվա ընթացքում»: Այդ մասին դեկտեմբերի 16-ին Սպիտական տանը լրագրողներին հայտնել Է ԱՄՆ-ի նախագահ Դոնալդ Թրամփը։
«Իրականում մնացած ամենախոշոր բանը թարգմանությունն Է: Գործարքը պատրաստ Է: Սակայն թարգմանությունը չափազանց կարևոր Է»,- հայտարարել Է Միացյալ Նահանգների ղեկավարը՝ մեկնաբանելով Պեկինի և Վաշինգտոնի միջև ձեռքբերված համաձայնությունը առևտրական մի շարք սուր վեճերի լուծման մասին:
Դեկտեմբերի 13-ին Չինաստանը և ԱՄՆ-ն հայտարարել են, որ համաձայնեցրել են առևտրական համաձայնագրի առաջին մասի տեքստը: Դրա շրջանակում կողմերը պայմանավորվել են միմյանց նկատմամբ չսահմանել նոր մաքսեր, որոնք պետք Է ուժի մեջ մտնեին դեկտեմբերի 15-ին:
Դեկտեմբերի 15-ին ԱՄՆ-ի առևտրական ներկայացուցիչ Ռոբերտ Լայթհայզերը հայտարարել Է, որ ԱՄՆ-ի և Չինաստանի միջև առևտրական գործարքի առաջին փուլի ստորագրումը կկայանա 2020 թվականի հունվարի սկզբին:
Մինչդեռ ՉԺՀ-ի արտգործնարարության պաշտոնական ներկայացուցիչ Գեն Շուանը նույն օրը հայտարարել Էր, որ Չինաստանն առայժմ չի հավաստում ամերիկյան կողմի հայտարարությունն այն մասին, թե առևտրական համաձայնագրի առաջին մասի ստորագրումը կկայանա արդեն հաջորդ ամսին: «Այս պահին Չինաստանը և ԱՄՆ-ը պետք Է ավարտեն պարտադիր իրավաբանական ընթացակարգերը և (փաստաթղթերի – խմբ.) թարգմանությունը, դրանից հետո մենք ստույգ վայրի և օրվա մասին որոշում կընդունենք համաձայնագրի ստորագրման համար»,- հայտարարել Է դիվանագետը՝ պատասխանելով այն բանը հավաստելու խնդրանքին, թե կողմերն իրո՞ք պատրաստ կլինեն հաջորդ տարվա հունվարին ստորագրելու համաձայնագիրը:
Նա հավելել Է, որ երկու երկրների աշխատանքային խմբերը շարունակում են կոնսուլտացիաները, համապատասխան տեղեկատվությունը կհրապարակվի ժամանակին, հաղորդել Է ՏԱՍՍ-ը:
