Ուկրաինայի ՆԳՆ ղեկավար Արսեն Ավակովը պատմել է, թե ինչպես է Կիևը ծրագրում վերահսկել Դոնբասում Ուկրաինայի և Ռուսաստանի միջև սահմանը: Այս մասին նա հաղորդել է Hromadske հեռուստաալիքին տված մեկնաբանությունում:
Նրա խոսքերով, դա կարելի է անել Դոնբասում ընտրություններից երկու օր առաջ: Ավակովի ծրագրի համաձայն, ուկրաինական ուժերն աստիճանաբար սահմանի փոքր հատվածներ կգրավեն:
«Մենք ունենք 408 կիլոմետրանոց սահման, մենք ամեն օր կկրճատենք, և ընտրություններից մեկ օր առաջ արդեն մեր վերահսկողության տակ կլինի ամբողջ սահմանը»,- ասել է նախարարը:
«Նորմանդական քառյակի» երկրների առաջնորդների գագաթնաժողովն ավարտվեց Փարիզում՝ երեքշաբթի երեկոյան: Ռուսաստանի, Ուկրաինայի, Ֆրանսիայի և Գերմանիայի առաջնորդները պայմանավորվել են մինչև 2020 թ.-ի մարտի վերջը Դոնբասի երեք նոր կետերում ուժերի տարանջատման վերաբերյալ, ինչն արտացոլված է հանդիպման վերջնարդյունքով հաղորդագրության մեջ: Մասնավորապես, փաստաթղթում նախատեսվում է տեղական ընտրությունների անցկացում Դոնբասում՝ նախքան սահմանի վերահսկողությունը Կիևի իշխանություններին հանձնելը: Սակայն ուկրաինական կողմը հրաժարվում է պահպանել համաձայնագրերի այս կետը: