Երեկ մենք տեղեկացրել էինք, որ EuroMillions վիճակահանությունից հետո, երբ խաղարկվել էր մոտ 185 միլիոն եվրո, հաղթողն այդպես էլ չէր հայտնվում: Ամբողջ Բրիտանիան փորձում էր պարզել երջանիկ տոմսի տիրոջ անունը:
Ի վերջո, դրա տերը երեկ հայտնվել է: EuroMillions-ի կազմակերպիչներն էլ վճարել են նրա գումարը: Այս մասին հաղորդում է The Sun-ը: Ինչպես տեղեկացրել են կազմակերպիչները, շահողը դեռ չի որոշել, թե արդյոք նպատակահարմա՞ր է իր անվան հրապարակումը:
Հիշեցնենք, որ EuroMillions վիճակահանությունն անցկացվում է Եվրոպայի մի շարք երկրներում՝ Ավստրիայում, Բելգիայում, Ֆրանսիայու, Լյուքսեմբուրգում, Իսպանիայում, Շվեյցարիայում և Մեծ Բրիտանիայում: Միայն հայտնի է, որ շահող տոմսը գնվել է Մեծ Բրիտանիայում: Գլխավոր մրցանակը՝ 185 միլիոն եվրոն, հնարավոր չէր եղել խաղարկել 14 անգամ. ոչ ոք չէր գուշակում բոլոր թվերը:
Նշվում էր նաև, որ հաջողակ տոմսի տիրոջ ի հայտ չգալու դեպքում կես տարի անց ողջ գումարը կփոխանցվեր բարեգործության: