Ինչպես արդեն տեղեկացրել ենք, ապրիլի 21-ից 25-ը Հայաստանի մինչև 17 տարեկանների հավաքականը Մակեդոնիայում կմասնակցի ՈւԵՖԱ-ի զարգացման մրցաշարին, որտեղ մեր թիմի մրցակիցները կլինեն Մակեդոնիայի, Վրաստանի և Կիպրոսի մինչև 17 տարեկանների հավաքականները:
Հայաստանի ազգային հավաքականի գլխավոր մարզիչ Բեռնար Շալանդը, ով, ինչպես հայտարարվել է, ստանձնել է նաեւ Հայաստանի ազգային հավաքական թիմերի հետ տարվող աշխատանքների համակարգումը, անձամբ է գլխավորել մինչև 17 տարեկանների հավաքականը Մակեդոնիական մրցաշարում եւ այսօր առավոտյան հավաքականը հենց Բեռնար Շալանդի գլխավորությամբ է մեկնել Մակեդոնիա:
Մինչեւ 17 տարեկանների ազգային հավաքականի հետ Մակեդոնիա են մեկնել նաեւ մարզչի օգնական Ալեն Գասպոն և ֆիզպատրաստության մարզիչ Թոմաս Ռիչարդսը:
Մակեդոնիայում տեղի ունենալիք ՈւԵՖԱ-ի զարգացման մրցաշարի խաղացանկն այսպիսի տեսք ունի.
22.04.2014 Վրաստան-Հայաստան (13:00)
22.04.2014 ՆՀՀ Մակեդոնիա-Կիպրոս (18:00)
23.04.2014 Կիպրոս-Վրաստան (13:00)
23.04.2014 ՆՀՀ Մակեդոնիա-Հայաստան (18:00)
25.04.2014 Հայաստան-Կիպրոս (13:00)
25.04.2014 ՆՀՀ Մակեդոնիա-Վրաստան (18:00)
Խաղերի սկիզբը նշված է Երևանի ժամանակով
ՀՖՖ մամլո ծառայություն
