Այսօր՝ դեկտեմբերի 9-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին օրենքի նախագիծն 1-ին ընթերցմամբ ընդունելու մասին հարցը:
«Երբ հայրս 60 տարեկանի մոտ որոշեց թարգել ծխելը, նրա մոտ ի հայտ եկան առողջական խնդիրներ, և բժիշկները նրան խորհուրդ տվեցին շարունակել ծխելը»,- հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը՝ նշելով, որ իր հայրը մահացել է թոքերի քաղցկեղից:
Դժգոհելով առողջապահության փոխնախարարից՝ պատգամավորը նշեց, որ չեն ներկայացվել թվեր ծխողների տարիքային, սեռային, աշխարհագրական առանձնահատկությունների մասին. «Եթե Երևանում սրճարաններում արգելելը կարող է ազդել ծխելու վրա, ապա մարզերում չիբուխ ծխող մարդկանց վրա ընդհանրապես չի ազդելու: Սակայն մենք բարձրացնում ենք ծխախոտի գինը, և այդ չիբուխ ծխողները չգիտեմ՝ ինչ են սկսելու ծխել»:
Պատգամավորի խոսքով՝ խնդիրները լուծելու փոխարեն նոր խնդիրներ են առաջանում:
Մանրամասները՝ տեսանյութում:
