Քվենտին Տարանտինոյի «Ատելի ութնյակը» (The Hateful Eight) նախագծի պատմությունը շարունակություն է ստացել: Ռեժիսորը կարդացել է ֆիլմի սցենարը, հայտնում է spletnik.ru-ն:
Միջոցառումը տեղի է ունեցել Լոս Անջելեսի Ace Hotel թատրոնում, որտեղ 200 դոլարի դիմաց կարող էր հայտնվել յուրաքանչյուրը:
Իրադարձությունը չէին կարող բաց թողնել Սեմյուել Լ.Ջեքսոնը, Թիմ Ռոտը, Կուրտ Ռասելը, Բրյուս Դերնը ու այլ հայտնիներ, այսինքն՝ նրանցից յուրաքանչյուրը կարդացել է այն հատվածները, որոնք հավակնում է խաղալ:
Տարանտինոն ոչ միայն հետևել է բեմում տեղի ունեցող իրադարձություններին, այլև քննադատել է դերասաններին, եթե նրանք դանդաղել են այս կամ այն հատվածն արտասանելիս:
Արևմտյան մամուլի հաղորդմամբ՝ ռեժիսորը որոշել է հանրությանը սյուժեին ծանոթացնել ավելի շուտ, քան մյուսները կանեն:
