Այսօր՝ դեկտեմբերի 9-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է 2016թ. ապրիլին ծավալված ռազմական գործողությունների հանգամանքները ուսումնասիրող քննիչ հանձնաժողովի գործունեության ժամկետը երկարաձգելու մասին ԱԺ որոշման նախագիծը:
Դիմելով քննիչ հանձնաժողովի նախագահ Անդրանիկ Քոչարյանին՝ «Իմ քայլը» խմբակցության ղեկավար Լիլիթ Մակունցը հետաքրքրվեց, թե ինչպես կարող են համոզված լինել, որ լրացուցիչ ժամանակը բավարար կլինի աշխատանքներն ավարտին հասցնելու համար. «Կա՞ հստակ ժամանակացույց»:
Ի պատասխան՝ Անդրանիկ Քոչարյանն ասաց. «Ըստ գործող օրենսդրության՝ մենք 6 ամսից ավելի ժամանակ խնդրելու իրավունք չունենք. դա մաքսիմալ ժամանակն է: Մենք մաքսիմալն ենք խնդրել: Մենք 2 ֆրոնտով ենք աշխատում»:
Հանձնաժողովի նախագահի կարծիքով՝ եզրակացությունները կլինեն անթերի. «Այն, ինչ հնարավոր է բաց ձևաչափով ներկայացնել, կլինի անթերի և որևէ քաղաքական շահարկմանման տեղիք չի տա»:
Մանրամասները՝ տեսանյութում:
