Սլավյանսկում անցակետի վրա անհայտ անձանց կողմից հարձակման արդյունքում 5 մարդ է զոհվել՝ 3 տեղաբնակ և երկու հարձակվող: Եվս մեկ տեղի բնակիչ ծանր վիճակում հոսպիտալացվել է: Այս մասին հաղորդում է «Ռոսսիա-24»-ը:
Միջադեպը տեղի է ունեցել Սլավյանսկի հյուսիսում: Այդ պահին անցակետի տարածքում գտնվել են միայն «անզեն տեղի բնակիչներ», ովքեր զննում են Սլավյանսկ մտնող ավտոմեքենաները և ինքնապաշտպանության ուժերին զգուշացնում բանակային զորամիավորումների հայտնվելու մասին: Անցակետին են մոտեցել մի քանի ավտոմեքենաներ և սկսել կրակել:
Դեպքի վայր ժամանած ինքնապաշտպանության մարտիկներին հաջողվել է պատասխան կրակով չեզոքացնել հարձակվողներից երկուսին:
Ինքնապաշտպանությունը գրավել է 2 ավտոմեքենա, որոնցում գտել են «Աջ սեկտոր» խմբավորման խորհրդանշանը և զենք, որը չի պատկանում Ուկրաինայի զինված ուժերին:
