Նա խորհրդարանին խնդրել է շտապ իրեն փոխարինող ընտրել, քանի որ ներկայիս վիճակում երկիրը չի դիմանա առանց կառավարության։
Իրաքի վարչապետ Ադիլ Աբդուլ-Մահդին հրաժարականի դիմում է ուղարկել խորհրդարան, հայտնում է Sky News Arabia-ն:
Վարչապետի հրաժարական տալու մտադրության մասին հայտարարվեց հոկտեմբերի վերջին: Նախօրեին Աբդուլ-Մահդին ասաց, որ լսել է բարձրագույն կրոնական մարջաիի (շիաների կրոնական իշխանություն) հաղորդագրությունը երկրում առկա ծանր պայմանների և իշխանությունների կողմից իրավիճակը հաղթահարելու անկարողության մասին, և խորհրդարանին խնդրել է աշխատանքից հեռացնել իրեն:
«Հրաժարականը կարևոր է ճգնաժամը վերջ տալու համար», – ասել է Աբդուլ-Մահդին իր ելույթում, որը հեռարձակել է Al-Jazeera-ն:
Նա խնդրեց, որ խորհրդարանը ընտրի իրեն փոխարինող, քանի որ ներկայիս վիճակում երկիրը չի դիմանա առանց ղեկավարի։
Հոկտեմբերի սկզբից Իրաքում չեն դադարում բողոքի ակցիաները, որոնք պահանջում են կառավարության հրաժարական, գործազրկության և կոռուպցիայի դեմ պայքար ու կենսապայմանների բարելավում:
