Լոնդոնյան ահաբեկչին օգնել է ձերբակալել դատապարտված մարդասպանը: Այս մասին գրում է The Guardian- ը:
2004 թվականին կնոջ սպանության համար պատիժը կրող 42-ամյա Ջեյմս Ֆորդը ականատես եղավ, թե ինչպես 28-ամյա Ուսման Խանը դանակներով հայտնվեց Լոնդոնի կամրջին և հարձակվեց անցորդների վրա: Նա իրեն չկորցրեց. լոնդոնյան ձկնաբուծական գիլդիայի մասնաշենքի պատից պոկելով կենտեղջյուրի մեկուկեսմետրանոց եղջյուրը՝ փորձեց ինքնուրույն վնասազերծել ահաբեկչին:
Նրան օգնության հասավ ևս մեկ մարդ՝ կրակմարիչը ահաբեկչի վրա բացելով: Դրանից հետո միայն ոստիկանությունը հայտնվեց դեպքի վայրում, և, ի վերջո, գնդակահարեց Խանին:
Լոնդոնի կամրջին անցորդների վրա դանակով տղամարդու հարձակումը հայտնի դարձավ ուրբաթ՝ նոյեմբերի 29-ին: Հրապարակվել է նաև տեսանյութ հանցագործի վնասազերծման մասին. տեսանյութում երևում է, թե ինչպես է ոստիկանությունը հետ քաշում տղամարդուն, որի վրա հարձակվել էր ահաբակիչը, այնուհետև կրակ բացում պառկած կասկածյալի վրա: