Ուկրաինական Femen կանաց կազմակերպության անդամները երեկ հերթական «կիսամերկ» ակցիան են անցկացրել Կիևում՝ բողոքելով տաք ջրի անջատումների դեմ: Այս մասին հաղորդում է Interfax գործակալությունը: Երիտասարդ կանայք, հագնելով լողազգեստներ, ներկել են իրենց դեմքերն այն երկրների դրոշների գույներով, որոնք մասնակցելու են 2012 թ. Լեհաստանում և Ուկրաինայում կայանալիք Եվրոպայի ֆուտբոլի առաջնությանը, և մտել են Կիևի Անկախության հրապարակի շատրվանների մեջ: Կանայք հայտարարել են, որ օտարեկրյա զբոսաշրջիկները սովոր չեն տաք ջրի պլանային անջատումներին, և եթե Կիևի իշխանությունները չդադարեցնեն նման գործելոճը, ապա այլ միջոց, քան շատրավաններում լողանալը, իրենց չի մնա: Ակցիայի ժամանակ կանայք հանդես են եկել մի շարք կոչերով՝ «Ջուր չկա, կլողանամ Մայդանանի շատրվաններում», «Բացեք ջուրը, եվրոֆաններն են գալիս» և այլն: Այս անգամ ձերբակալություններ չեղան:
