ԱՄՆ Տեխաս նահանգի օդանավակայանում բենզին տեղափոխող ավտոմեքենան բախվել է կայանված ամերիկյան Eagle երկու ինքնաթիռի: Դեպքի մասին տեսանյութ է տեղադրվել Twitter-ում:
Տեսանյութում երևում է, որ բեռնատարի առջևի մասը ամբողջությամբ լխճված է, ինքնաթիռներից մեկի թևից բացակայում է կառուցվածքի մի մասը, իսկ մյուսի թևը առջևի ապակու միջով մխրճվել է մեքենայի մեջ։
Independent-ի փոխանցմամբ՝ դեպքը տեղի է ունեցել երեքշաբթի՝ նոյեմբերի 26-ին, Դալլասի օդանավակայանի տերմինալի մոտակայքում: Վթարի հետևանքով վնասվել են երկու CRJ-900 ինքնաթիռներ: Թռիչքները, որոնք պետք է իրականացվեին այդ ինքնաթիռներով, չեղարկվել են: Նրանցից մեկը ուղևորվում էր Տեխասի Լաբոկ, իսկ մյուսը՝ Շրիվպորտ՝ Լուիզիանա:
Նշվում է, որ միջադեպի հետևանքով ուղևորներից և անձնակազմի անդամներից ոչ մեկը չի տուժել, սակայն բժշկական օգնություն է պահանջվել բորտուղեկցորդներից մեկին: