Օքսֆորդի քաղաքային խորհուրդն արգելել է «Քրիստոսի չարչարանքները» ներկայացման ցուցադրությունը. այն համարել են սեքս-շոու՝ գրում է The Daily Express-ը: Այն ծրագրվում էր ներկայացնել Չարչարանաց ուրբաթին՝ քաղաքի կենտրոնում:
«Ցավոք, քաղաքային խորհրդի ներկայացուցիչներից մեկը, ով պատասխանատու է թույլտվությունների տրամադրման համար, չհասկացավ, որ Չարչարանաց ուրբաթին «Քրիստոսի չարչարանքները» ներկայացնելը կրոնական միջոցառում է»,- ասել է քաղաքային խորհրդի անդամ և քահանա Դիք Վոլֆը:
Միջոցառումն առաջին անգամ կազմակերպել են 2012-ին՝ առանց քաղաքային խորհրդի թույլտվության: Ոստիկանությունը հայտարարել է, որ այս անգամ չի հաջողվի ակցիան անցկացնել առանց արտոնագրի:
Իր հերթին քաղաքային խորհրդի մամլո քարտուղարն ասել է, որ հայտը ներկայացրել են «չափազանց ուշ», և փաստաթուղթը «չափազանց քիչ տեղեկություն» է պարունակել՝ այն հաստատելու համար:
