Անգլիայի հյուսիսային գյուողերից մեկում անհայտ «սամարացին» 5 տարի շարունակ հազարավոր ֆունտ ստեռլինգ փող է նետում: Այդ մասին հայտնում է Independent-ը:
Հյուսիսային ծովի ափին գտնվող Blackhall Collieri նախկին հանքարդյունաբերական գյուղի բնակիչները փողոցում անընդհատ գտնում են 20 ֆունտ արժողությամբ (25 դոլար) թղթադրամների փաթեթներ են գտնում՝ ընդհանուր 2 հազար ֆունտ (2,6 հազար դոլար) արժողությամբ: Վերջին գտածոն արվել է այս շաբաթ, այս տարի այն դարձել է չորրորդը, իսկ 2014 թվականից ի վեր հայտնաբերվել է 13 փաթեթ:
Ըստ ոստիկանության՝ փողը սովորաբար դրվում է պարզ տեսադաշտում ամբողջ գյուղով մեկ: Համաձայն բրիտանական օրենսդրության՝ փողի սեփականատերը պետք է երկու շաբաթվա ընթացքում զեկուցի կորստի մասին, եթե դա տեղի չի ունեցել, ապա այն հայտնաբերողը կարող է վերցնել այդ գումարը: Բոլոր դեպքերում գյուղացիները վերցնում են գումարը և երջանիկ են այն գտնելու համար:
«Հանգամանքները մնում են առեղծվածային, ուստի մենք ուրախ կլինենք ստանալու ցանկացած տեղեկություն, որը կօգնի մեզ հասկանալու, թե ինչ է կատարվում», – ասել է դետեկտիվ Ջոն Ֆորստերը:
«Սա կարող է լինել բարի սամարացու ձեռքի գործը: Մենք ցանկանում ենք շնորհակալություն հայտնել այն բնակիչներին, ովքեր ցույց են տվել անհավատալի մարդկային հատկություններ՝ ոստիկանություն բերելով գումար»,- ասել է դետեկտիվը:
Բացի այդ, իրավապահը շեշտել է, որ գյուղը այնքան էլ հարուստ չէ, ուստի գտած գումարը միշտ հսկայական օգնություն է տեղի բնակիչների համար:
«Չեմ կարծում, որ դա հանցագործություն է, թմրանյութերի ապօրինի շրջանառություն կամ փողերի լվացում: Թմրամիջոցների առևտրով զբաղվողները, որպես կանոն, փողը չեն շռայլում», – ամփոփել է նա:
