Ամուլսարի շուրջ կրքերը չեն հանդարտվում: Երեկ տեղեկատվություն տարածվեց այն մաիսն, որ Ամուլսարի հարցով փակ քննարկում է տեղի ունեցել, որին մասնակցել են նաև ԱԺ պատգամավորներ, ինչպես նաև Շրջակա միջավայրի նախարար Էրիկ Գրիգորյանը: Մինչ այդ մի շարք հանրային գործիչներ և բնապահպաններ ահազանգում էին, որ ջերմուկցիների վրա տեղական իշխանությունների և վարչակազմի կողմից ճնշումներ են գործադրվում:
Թեմայի շուրջ «Առաջին լրատվական»-ի հետ զրույցում ԱԺ «Իմ քայլը» խմբակցության պատգամավոր Միքայել Զոլյանը, ով նույնպես մասնակցել է նախօրեին Ջերմուկում տեղի ունեցած հանդիպմանը, նշեց, որ այս խնդրի շուրջ գոյություն ունի անվստահության մթնոլորտ. «Մենք փորձում ենք այդ անվստահության մթնոլորտը կոտրել և այնպես անել, որ ծավալվի արդյունավետ երկխոսություն հասարակության՝ հիմնականում ջերմուկի բնակիչների և իշխանության՝ կառավարության համապատասխան մարմինների միջև, և մեր հանդիպումը հենց դրան էր միտված: Երեկ այդ երկխոսությունը որոշ չափով կայացավ»:
«Քաղաքացու որոշում» կուսակցության գործադիր մարմնի անդամ Միքայել Նահապետյանի խոսքով՝ Ջերմուկի բնակչության վրա որոշակի ճնշումներ են իրականացվել տեղական իշխանությունների կողմից:
Մ. Նահապետյանի դիտարկմամբ՝ Ամուլսարի խնդիրը բարդ է և խճճված. «Ամուլսարի հարցով ճգնաժամն առաջացել է այն պահից, երբ պայմաններ են առաջարկվել, բայց դրանք խախտվել են, և հետքայլ է արվել»:
Մանրամասն՝ տեսանյութում:
