ՀՅԴ երիտասարդներն ու ուսանողները դիմում են ԼՀԿ և ԲՀԿ պատգամավորներին անվստահություն հայտնել Արայիկ Հարությունյանին: ԱԺ ԼՀԿ խմբակցության պատգամավոր Տարոն Սիմոնյանը մեզ հետ զրույցում նշեց, որ հասարակության մի զգալի հատվածի մոտ դեռևս հստակ պատկերացում չկա, թե ինչ է կատարվում, ինչը, ըստ նրա, սխալ է.«Նախ պետք է հասարակությունը լիարժեք տեղեկատվություն ստանա նաև ձեր միջոցով, թե այս պահին ինչ փուլում է գտնվում այդ նախաձեռնությունը, հետո նոր կարծիքը հայտնի: Հիմա, եթե չեմ սխալվում, սա նախագծային փաթեթ է, որտեղ առաջարկվում է ակադեմիական ազատություն առաջարկել բուհերին և չպարտադրել հայոց լեզու և պատմություն:
Անձամբ իմ տեսակետը կարող եմ ասել. խմբակցությունը դեռ այս տեսակետը չի քննարկել, միասնական դիրքորոշում չկա: Ես կողմ եմ ակադեմիական ազատությանը բոլոր բուհերում, որովհետև վերջիններս ամբողջ տրամաբանությունը հենց ակադեմիական ազատությունն է: Սակայն, քանի որ մենք այսօր դպրոցներում խնդիր ունենք, և այս առարկաները նորմալ չեն դասավանդվում, աշակերտները ստիպված են լինում կրկնաուսուցիչներ վերցնելը՝ բացը լրացնելու համար, այս պահի դրությամբ ես հակված եմ այն տեսակետին, որ ժամակավրեպ է այդ առարկաները միանգամից հանել, քանի որ այն բացը, որ կա դպրոցում, փորձում է լրացվել բուհական մակարդակում»: