Twitter-ի սպառողական ապրանքների հարցերով նոր փոխնախագահ է նշանակվել Դենիել Գրաֆը՝ գրում է The Wall Street Journal-ը: Ավելի վաղ նա աշխատել է Google կորպորացիայում, որտեղ 2012 թվականից պատասխանատու է եղել Google Maps քարտեզագրական ծառայության բջջային արտադրանքների համար:
Նշվում է, որ Գրաֆի նշանակումը փակել է Twitter-ի առանցքային աշխատատեղը: Մայքլ Սիպին այդ պաշտոնը լքել էր դեռևս հունվարին, և 4 ամսվա ընթացքում նրա փոխարեն ոչ մեկին չեն նշանակել:
Հաղորդվում է, որ Գրաֆը պարտականությունների կատարմանը կանցնի մայիսին:
