Բրիտանացի երաժիշտ Փիթ Դոհերթին, որն ավելի վաղ կոկաին գնելու փորձի համար ձերբակալվել էր Փարիզի ոստիկանության կողմից, բաժանմունքից ազատ է արձակվել և կրկին կալանավորվել: Երաժիշտը ճաղերի հետևում է հայտնվել 19-ամյա տղամարդու հետ ծեծկռտուքի պատճառով, գրում է The Guardian-ը:
Նշվում է, որ 40-ամյա Դոհերթին որոշել է իր ազատության մեջ հայտնվելը նշել գիշերազգեստով Սեն-Ժերմեն-դե-Պրե թաղամասի փողոց դուրս գալով: Նրա փաստաբան Արաշ Դերամբարշի խոսքերով, երաժիշտը ալկոհոլ է խմել իր բնակության վայրի մոտ գտնվող բարում. «Նա խմում էր, մյուս այցելուները ևս հյուրասիրում էին նրան»: Մարդը, ում հետ նա կռվել է, իբր, դիմել է ոստիկանություն: Միջադեպը տեղի է ունեցել նոյեմբերի 10-ին:
Նոյեմբերի 8-ին հայտնի էր դարձել, որ Դոհերթիին ձերբակալել են փողոցում կոկաին գնելու փորձի համար: Ավելի ուշ նրան ազատ են արձակել՝ տուգանելով 4.3 հազար եվրոյով: Նշվում է, որ պատիժը դեռևս չի հաստատվել դատարանում:
Փիթ Դոհերթին The Libertines խմբի ֆրոնտմենն է և համահինադիրը, Babyshambles խմբի նախկին ղեկավարը:
