Չիլիի Վալպարաիսո քաղաքում հրդեհը մարելու աշխատանքները կարող են մինչև 20 օր տևել: Ինչպես հաղորդում է RIA Novosti-ն, այս մասին հայտարարել է Ազգային անտառային ծառայության ներկայացուցիչ Ալֆրեդո Մասկարենյոն:
Վերջին տվյալների համաձայն՝ Վալպարասիոյում հրդեհների հետևանքով 12 մարդ է զոհվել, կրակը 850 հա հողատարածք է ոչնչացրել, այրվել են ավելի քան 2 հազար տներ: Կառավարությունը հայտարարել է քաղաքի իշխանություններին գրեթե մեկ միլիոն դոլար հատկացնելու մասին: Չիլիի նախագահը խոստացել է հրդեհից տուժած քաղաքացիներին օգնություն տրամադրել:
Մասկարենյոյի խոսքերով՝ հրշեջ ծառայություններին դեռ չի հաջողվել հանգցնել կրակի աղբյուրները: «Դա երկար ժամանակ կտևի»,- ասել է նա՝ նշելով, որ դեպքի վայրում բավարար քանակությամբ հրշեջ մեքենաներ են աշխատում: Հրդեհի կենտրոնում, նրա խոսքերով՝ ջերմաստիճանը 400-600 աստիճանի է հասնում:
