Զատկին ձվեր ներկելը և մտերիմներին նվիրելը շատ գեղեցիկ ավանդույթ է: Զատկի մի քանի տեսակի ձվեր կան՝ մեկ գույնով ներկված, նախշերով, ձեռքով նկարված, կճեպի վրա փորագրված, գրում է kedem.ru-ն:
Զատկի ձվերը զարդարում են նաև հատիկավորներով, ուլունքներով, ժապավեններով, ժանյակներով, կտորներով, թղթով և դրանք արվեստի իսկական գործերի են վերածում: Ձեռագործ աշխատանքներն երկար պահպանելու համար խորհուրդ է տրվում ոչ թե ձուն ամբողջությամբ զարդարել, այլ միայն ձվի կճեպը, դրա պարունակությունը հանելով կճեպի վրա արված փոքր անցքից:
Զատկի ձվերը զարդարել հնարավոր է նաև առանց դրանք ներկելու, սպիտակ կճեպի վրա կարելի է սինթետիկ ներկերով ծաղիկներ անել:
Նույն սկզբունքով կարելի է աշխատել նաև գունավոր թղթերով: Միագույն ներկված ձվերի վրա կարելի է հավասարաչափ կլոր կտրատված թղթեր սոսնձել:
Նկարիչների համար նախատեսված խանութներից կարելի է ճաքերի էֆեկտով ոսկեգույն ներկեր ձեռք բերել և ձվերը դրանցով ներկել:
Ուլունքներով ձվերը զարդարելու համար հարկավոր է դրանք թափանցիկ սոսնձով պատել և վրան ուլունքներ շաղ տալ:
Տարբեր կոճակներով, հետաքրքիր ուլունքներով և փայլերով ձվի վրա կարելի է յուրահատուկ նախշեր ստանալ:
