Ռուսաստանյան կողմը պատրաստ է բավարարել Ֆրանսիայի հարցումն այն ստանալու դեպքում, որը վերաբերում է գեներալ Սեզար Գյուդենի՝ կայսր Նապոլեոն Բոնապարտի զինակցի՝ ամռանը Սմոլենսկում գտած աճյունի մնացորդների հանձնմանը՝ տեղեկացնում է interfax-ը:
Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, պատասխանելով լրագրողների համապատասխան հարցին, Մոսկվան պատրաստ կլինի «ամեն տեսակի աջակցություն ցուցաբերել» գեներալի աճյունը Փարիզին հանձնելու գործում:
Նա նշել է, որ ՌԴ նախագահ Վլադիմիր Պուտինն իրազեկ է վերջին, մասնավորապես այն իրադարձություններին, որ ԴՆԹ-ի թեստերը հաստատել են նապոլեոնյան գեներալ Սեզեր Շառլու Էտիեն Գյուդենի՝ Սմոլենսկում գտնված աճյունի մնացորդների պատկանելությունը:
«Մեր և ֆրանսիացի հնագետները իսկապես հիանալի են աշխատել. և՛ փաստաթղթերն են ուսումնասիրել, և՛ համատեղ պեղումներ են անցկացրել»,- հավելել է Պեսկովը:
1812 թվականի պատերազմի ժամանակ գեներալը դիվիզիայի հրամանատար էր և մարտեր էր մղում Սմոլենսկի մերձակայքում: Մարտի ժամանակ նա մահացու վիրավորվում է և վախճանվում Սմոլենսկում: