Վերջին ժամանակներս ամբողջ աշխարհում շատ տարածված է յոգայով զբաղվելը: Նյույորքյան Bold & Naked յոգայի ստուդիան որոշել է իր աշակերտներին առաջարկել յոգայով մերկ պարապել՝ գրում է bigpicture.ru-ն:
Իրականում յոգայով մերկ պարապելը նորամուծություն չէ: Հնդկաստանում այն կիրառում են հնագույն ժամանակներից: Ստուդիայի հիմնադիրները պնդում են, որ յոգայով մերկ պարապելը իրենց աշակերտներին հավելյալ ազատություն է տալիս:
Այն օգնում է հրաժարվել բազմաթիվ բարդույթներից և սեփական մարմնի հետ ներդաշնակ լինել: «Երբ մենք մերկ ենք, կարծես բոլորս իրար նման ենք»,- ասում է ստուդիայի հաճախորդներից մեկը:
Ստուդիան պնդում է, որ այս ամենում սեքսուալ ենթատեքստը բացառվում է: Պարապմունքների ժամանակ սրահը լցվում է մաքուր էներգիայով:
Պարապմունքների գինը համեմատաբար ցածր է, ընդ որում՝ կարելի է հաճախել ինչպես կանանցից և տղամարդկանցից կազմված խառը, այնպես էլ առանձին խմբեր:
