Եվրոպայում որսաշրջանը ամբողջ թափով է ընթանում: Հոկտեմբեր ամսվա սկզբին Ֆրանսիայում այս տարի տեղի է ունեցել որսագողության հետ կապված առաջին աղմկահարույց միջադեպը. ճանապարհին վարորդը մի կերպ փրկվել է մահից, երբ որսորդը կրակել է նրա մեքենայի ուղությամբ՝ փորձելով սպանել նապաստակին:
Այս առիթով Statista տեղեկատվական պորտալը ներկայացրել է տվյալներ Եվրոպայի տարբեր երկրներում որսորդների քանակի վերաբերյալ:
Որսորդական կիրքը ամենաշատը պատել է իռլանդացիներին. երկրում հազար մարդուց գրեթե 73-ը որսորդ է: Նաև առաջին եռյակում են Ֆինլանդիան (1000 բնակչին՝ 55,6) և Կիպրոսը (1000 բնակչին՝ 52,3): Համեմատության համար նշենք, որ Ֆրանսիայում հազար մարդուց միայն 19,7-ն են որսորդներ, իսկ Գերմանիայում ՝ նույնիսկ ավելի քիչ՝ 1000 մարդու համար 4,2: Այս տեսակի գործունեության վերաբերյալ մանրամասն վիճակագրությունն իրականացնում է Գերմանիայի որսորդական միությունը, որի տվյալների հիման վրա հիմք է հանդիսացել Statista ուսումնասիրությունը:
