Վարորդների դեմ «գործ տվող» օրե՞նք, թե՞ անհրաժեշտ քայլ կամ խախտում անողների «ֆոտոսեսիա». «Կարճ կապենք»

Հանցագործությունների թիվը 6,7 տոկոս աճ է գրանցել, այս ցուցանիշը վերջին 9 ամիսների պատկերն է։ Դեպքերի մեջ մեծ մաս են կազմում գողությունը և ճանապարհային երթևեկության կանոնների խախտումները։ Եթե 2018 թ-ի վերջին ինը ամիսների ընթացքում գրանցվել էր հանցագործության մասին 147․780 հաղորդում, ապա այս տարի այդ թիվն աճել է 29 721-ով, կազմելով 177․501 դեպք։Վերջին 9-ը ամսվա ընթացքում արձանագրվել է կոռուպցիոն բնույթի հանցագործությունների բացահայտման 931 դեպք , որոնցից 255-ը կաշառակերության դեպքեր են, 151-ը պաշտոնեական լիազորությունները չարաշահելու, 51-ը պաշտոնեական լիազորություններն անցնելու։

Անդրադառնալով Ազգային ժողովի ընդունած աղմկահարույց վերջին նախագծին, որով քաղաքացիները կարողանալու են արձանագրել այլ քաղաքացիների մեքենաների կողմից ճանապարհային երթևեկության կանոնների խախտումները և ուղարկել ոստիկանություն, ակներև է որ այս կարգազանց վիճակում ճանապարհային երթևեկության կանոնների խախտումները ոչ թե պարզապես կաճեն, այլ կրկնակի կամ եռակի աճ կգրանցեն։

Չնայած որոշ պնդումներին որ այդ նախագիծը զուրկ է բարոյականությունից, քանի որ մարդկանց իրար դեմ է հանելու, և շատերը վատություն անելու համար սկսելու են հետապնդել այլ մարդկանց և արձանագրել նրանց խախտումները այդ պրակտիկան կիրառվում է գրեթե ամբողջ աշխարհում։ Օրինակ միացյալ նահանգներում նույն օրենքը առկա է , սակայն գրեթե չի կիրառվում, քանի որ կարգազանց վարորդներ շատ քիչ կան,մարդիկ պահպանում են երթևեկության կանոնները և զերծ մնում ավելորդ տուգանքներ վճարելու տհաճ իրավիճակից։