Թուրքիայի ռազմական գործողությունը լրջորեն ազդել Է Սիրիայի հյուսիս-արեւելքի հումանիտար իրադրության վրա: Այդ մասին հայտարարել Է ՄԱԿ-ի գլխավոր քարտուղարի հումանիտար հարցերով օգնական Ուրսուլա Մյուլերը: «Թուրքիայի ռազմական գործողությունը լրջագույնս ազդել Է հումանիտար իրադրության վրա»,-ասել Է նա՝ ելույթ ունենալով ՄԱԿ-ի Անվտանգության խորհրդի՝ Սիրիայի հումանիտար իրադրությանը նվիրված նիստում:
«Մարտական գործողությունները հանգեցրել են բնակչության լուրջ տեղաշարժերի: Վերջին երկու շաբաթվա ընթացքում մոտավորապես 180 հազար մարդ, այդ թվում՝ շուրջ 80 հազար երեխաներ, հարկադրված են եղել փախչել հարավ»,-հայտնել Է ՄԱԿ-ի ներկայացուցիչը եւ հավելել, որ «ռազմական գործողության սկսվելուց ի վեր ավելի քան 10 հազար մարդ ստիպված Է եղել փախչել Իրաք»: Մյուլերի խոսքով՝ ՄԱԿ-ի մարդու իրավունքների գերագույն կոմիսարի վարչությունը «տագնապալի տեղեկատվություն Է ստացել մարդկանց զոհվելու եւ խիստ կարեւոր քաղաքացիական ենթակառուցվածքի վնասվելու վերաբերյալ»: Նա հիշեցրել Է, որ Սիրիայի հյուսիս-արեւելքի 3 մլն բնակիչներից 1,8 միլիոնն «առանց այդ Էլ այս կամ այն ձեւով մարդասիրական օգնության կարիք ունի»: «ՄԱԿ-ում խորապես մտահոգված են Թուրքիայի եւ Սիրիայի սահմանում ռազմական գործողությունների հեռանկարների կապակցությամբ»,-հավելել Է ՄԱԿ-ի գլխավոր քարտուղարի հումանիտար հարցերով օգնականը, հաղորդել Է «Ինտերֆաքս»-ը: