Եվրամիության երկրները կոչ են արել նախագահական ընտրությունների երկրորդ փուլ անցկացնել Բոլիվիայում: Համապատասխան հայտարարությունը հոկտեմբերի 24-ի երեկոյան հրապարակվել Է ԵՄ-ի արտաքին քաղաքական ծառայության կայքում:
«Ամերիկյան պետությունների կազմակերպության (ԱՊԿ) ներքին առաքելության հաշվետվությունն ընտրական գործընթացի զգալի թերություններ Է բացահայտել Բոլիվիայում «…» Եվրոպական միությունը ԱՊԿ-ի հետ լիովին համամիտ Է այն բանում, որ Բոլիվիայի իշխանությունները պետք Է ճշտեն ձայների հաշվման ընթացիկ գործընթացը, և որ լավագույն տարբերակը քվեարկության երկրորդ փուլի անցկացումն Է, որպեսզի վերականգնվի վստահությունը և ապահովվի Բոլիվիայի ժողովրդի դեմոկրատական ընտրության լիակատար հարգումը»,- նշվում Է հայտարարության մեջ:
Մինչդեռ ձայների 99,81 տոկոսի հաշվումից հետո ստացված տվյալների համաձայն՝ Բոլիվիայիում նախագահական ընտրությունների առաջին փուլում հաղթանակ Է տանում երկրի գործող նախագահ Էվո Մորալսը: Նա հավաքում Է ձայների 47,06 տոկոսը, իսկ նրա մոտակա մրցակից Կառլոս Մեսան՝ 36,52 տոկոսը: Ընդդիմադիր թեկնածուի նկատմամբ Մորալեսի առավելությունը կազմում Է ավելի քան 10 տոկոսային կետ, ինչը երաշխավորում Է նրա հաղթանակն ընտրությունների արդեն առաջին փուլում:
Բոլիվիայում նախագահական ու խորհրդարանական ընտրություններում քվեարկությունը տեղի Է ունեցել հոկտեմբերի 20-ին: Ընտրությունների առաջին նախնական արդյունքները հրապարակվել Էին ընտրական տեղամասերի փակումից չորս ժամ անց: Դրանից հետո Մեսան հայտարարել Է, որ կայացած քվեարկության արդյունքներն իրեն թույլ են տալիս անցնել երկրորդ փուլ:Մորալեսն իր հերթին ասել Է, թե այն պահին դեռևս չհաշվված գյուղական շրջանների բնակիչների ձայները երաշխավորում են իր հաղթանակն արդեն առաջին փուլում:
Երկրում գործող օրենքների համաձայն՝ առաջին փուլում հաղթելու համար թեկնածուին անհրաժեշտ Է հավաքել ձայների ավելի քան 50 տոկոսը կամ 40 տոկոսը պայմանով, որ նրա մոտակա մրցակցի նկատմամբ առավելությունը կազմում Է առնվազն 10 տոկոս:
Նախագահական ընտրությունների նախնական արդյունքների հայտարարումից հետո երկրում բողոքներ են սկսվել: Հոկտեմբերի 23-ին Մորալեսն արտակարգ դրության ռեժիմ Է հայտարարել Բոլիվիայում և ընդդիմությանը մեղադրել պետական հեղաշրջում կազմակերպելու փորձի մեջ, հաղորդել Է ՏԱՍՍ-ը:
