ԱՄՆ նախագահ Դոնալդ Թրամփը հայտարարել է, որ թույլ է տվել թուրքերին ու քրդերին կռվել, որովհետև նրանք նման են երեխաների, որոնք կռվելու կարիք ունեն, հայտնում է Times of Israel-ը:
Տեխասում իր կողմնակիցների հետ հանդիպմանը Թրամփն ասել է. «Ասացի՝ թող մի որոշ ժամանակ կռվեն: Ինչպես երկու երեխաների դեպքում, պետք է թողնես կռվեն ու հետո բաժանես: Նրանք մի քանի օր կռվեցին, և բավականին դաժան էր»:
https://www.youtube.com/watch?v=ROgMmsbWudQ
Թրամփն ընդգծել է նաև, որ մի կաթիլ ամերիկյան արյուն չի թափվել:
Հոկտեմբերի 17-ին ԱՄՆ փոխնախագահ Մայք Փենսը բանակցել է Թուրքիայի նախագահ Ռեջեփ Թայիփ Էրդողանի հետ և հրադադարի համաձայնություն ձեռք բերել:
