ԱՄՆ փոխնախագահ Մայք Փենսը հայտարարել է, որ Թուրքիայի նախագահ Թայիփ Էրդողանի հետ բանակցությունների ընթացքում կողմերը մի շարք պայմանավորվածություններ են ձեռք են բերել Սիրիայի տարածքում թուրքական զորքերի կողմից կրակի դադարեցման վերաբերյալ, հաղորդում է «ՌԻԱ Նովոստին»:
Փենսը հայտարարել է, որ Միացյալ Նահանգները զիջումների չի գնացել Թուրքիային, բացառությամբ պատժամիջոցների վերացման խոստման:
Նա նաև նշել է, որ ԱՄՆ նախագահ Դոնալդ Թրամփը պատրաստ է չեղարկել Թուրքիայի դեմ սահմանված տնտեսական սահմանափակումները: Այնուամենայնիվ, այս գործընթացը ուղղակիորեն կախված կլինի Թուրքիայի կողմից Սիրիայի հյուսիս-արևելքում ռազմական գործողությունների դադարեցման վերաբերյալ պայմանավորվածությունների կատարումից: Փենսի խոսքերով, ԱՄՆ իշխանություններն ավելի վաղ նախատեսված նոր պատժամիջոցներ չեն սահմանի:
«Մշտական հրադադարի դեպքում նախագահը համաձայնել է չեղարկել տնտեսական պատժամիջոցները»,- հավելել է ԱՄՆ փոխնախագահը:
