Ամերիկացի նախկին կոնգրեսական Դենիս Կուսինիչը հայտարարել է, որ Ուկրաինայում իրավիճակի սրումն ու ռուս-ամերիկյան հարաբերությունների վատթարացումը պայմանավորված է ՆԱՏՕ-ի գործողություններով, որը փորձում է արդարացնել իր գոյությունը:
«Ես չեմ կարծում, որ նախագահ Օբաման ձգտում է Ռուսաստանի հետ որևէ ռազմական ընդհարման: Կարծում եմ, որ այդ ՆԱՏՕ-ն է փորձում արդարացնել իր գոյությունը: Գիտեք, ՆԱՏՕ-ն վերջին անգամ մարզվել է Լիբիայում, որտեղ համընդհանուր աղետ էր»,- ասել է Կուսինիչը:
Նրա խոսքով՝ դաշինքը հանդիսանում է հյուսիսատլանտյան, սակայն Հյուսիսային Ատլանտիկան Ռուսաստանի կամ Չինաստանի սահմանները չեն: Այս մասին փոխանցում է RIA Novosti-ն:
Նրա խոսքով՝ կազմակերպությունը մարզում է «Աջ սեկտորին»: Նախկին կոնգրեսականը կարծում է, որ դաշինքը հրահրում է մասնակից երկրների կողմից պաշտպանական ծախսերի ավելացում, ինչը նման է «ռեկետի»: Այդ առումով նա ՆԱՏՕ-ն համեմատել է 1930-ականների ամերիկյան մաֆիայի հետ:
