Մեծ Բրիտանիայի կառավարության ղեկավար Դևիդ Քեմերոնը ընդունել է երկրի մշակույթի, ԶԼՄ-ների ու սպորտի նախարար Մարիա Միլլերի հրաժարականը, հայտնում է ITAR-TASS-ը:
Գերատեսչության ղեկավարը հայտնվել էր աղմկոտ սկանդալի կենտրոնում, որը վերաբերում էր պետական բյուջեի միջոցները չհիմնավորված ծախսելուն:
2012-ի դեկտեմբերից Միլլերի նկատմամբ ընթանում էր հետաքննություն, որի արդյունքներով նրան պարտադրեցին երկրի գանձարան վերադարձնել 45 հազար ֆունտ ստերլինգ, որը նրան էին տրամադրել անձնական հարցման համաձայն՝ վճարելու այն տան հիպոթեքային գումարը, որտեղ նա բնակվում է ծնողների հետ:
Ավելի ուշ Համայնքների պալատը թույլատրել էր նախարարին այդ գումարից վճարել միայն 5,8 հազար ֆունտ ստերլինգ, ինչը ԶԼՄ-ների և հասարակության վրդովմունքն էր հարուցել:
