«Ժողովուրդ» թերթը գրում է. «Հայաստանում այս օրերին քննարկվող թիվ մեկ թեման ՀՀ ապագա վարչապետի հարցն է: «Ժողովուրդ»-ի տեղեկություններով՝ նշանակումը կլինի մյուս շաբաթ: Ինչ վերաբերում է թեկնածուներին, ապա երեկ ողջ օրվա ընթացքում դարձյալ շրջանառվում էին 3 անուններ. ՀՀ նախագահի աշխատակազմի ղեկավար Վիգեն Սարգսյան, Երևանի նախկին քաղաքապետ Կարեն Կարապետյան և ԱԺ նախագահ Հովիկ Աբրահամյան: Իշխանական կուլիսներում պտտվող լուրերի համաձայն՝ այս երեք թեկնածուներից այս պահին առավել հավանականը ԱԺ նախագահ Հովիկ Աբրահամյանի նշանակումն է: Ավելին՝ ինչպես «Ժողովուրդ»-ին հայտնի դարձավ խորհրդարանի իր աղբյուրներից՝ Հովիկ Աբրահամյանն արդեն սկսել է թիմակիցներին պատրաստել՝ ՀՀ կառավարություն գնալու հարցում:
Երեկ ողջ օրը ԱԺ նախագահի մտերիմները կառավարության կահավորման հարցերն էին կարգավորում՝ դեռևս մտովի: Միայն թե այս անգամ էլ երազախաբ չլինեն: Երեկ «Ժողովուրդ»-ը փորձեց Հովիկ Աբրահամյանից հետաքրքրվել՝ ստացե՞լ է վարչապետի պաշտոնը զբաղեցնելու առաջարկ, մեզ փոխանցեցին, որ նա զբաղված է:
Մանրամասները՝ թերթի այսօրվա համարում։
