Սպիտակ տան վարչակազմն արդարացնում է «կուբայական Twitter»-ի ծրագիրը՝ գրում է USA Today-ը: Ավելի վաղ հայտնում էին, որ ԱՄՆ կառավարությունը գաղտնի ֆինանսավորել է Կուբայում սոցիալական ցանցի ստեղծումը, որի միջոցով հակակառավարական քարոզչություն է տարվել:
«Ենթադրությունները, թե դա գաղտնի ծրագիր էր, սխալ են»,- հայտարարել է Սպիտակ տան մամլո քարտուղար Ջեյ Քարնին: Նրա խոսքով՝ Կոնգրեսը Կուբայի համար ֆինանսավորում է ժողովրդավարական նախագծերը, որպեսզի կուբացիները հասանելիության հնարավորություն ունենան ավելի մեծ ծավալի տեղեկատվության և օգնեն ուժեղացնելու քաղաքացիական հասարակությունը:
Քարնին ավելացրել է, որ ծրագիրը, որի մասին հայտարարել է Associated Press-ը, ավարտել են 2012 թվականին: «USAID-ը զարգացման հարցերով գործակալություն է, ոչ թե հատուկ ծառայություն»,- նշել է նա՝ ավելացնելով, որ նախագիծն իրականացվել է ԱՄՆ օրենքներով:
