«Առաջին լրատվական»-ը այս պահին գտնվում է Լոս Անջելեսի ՀԲԸՄ Մանուկյան-Դեմիրճյան վարժարանում, որտեղ սաների, ուսուցիչների և ծնողների հետ կխոսենք այն մասին, թե ինչպես է Լոս Անջելեսի հայկական համայնքը պատրաստվում ՀՀ վարչապետ Նիկոլ Փաշինյանի այցին և առաջիկայում կայանալիք հանրահավաքին:
Ինչպես նշեց վարժարանի տնօրեն Արփի Ավանեսյանը՝ իրենք անչափ կարևորում են երեխաների և հայրենիքի միջև կապը:
Արևելահայերենի ուսուցչուհի Աննա Եռալյանն էլ նշեց, որ մեծ խանդավառություն կա Նիկոլ Փաշինյանի այցի հետ կապված. «Հերյուրանքներ են այն լուրերը, թե հայ համայնքը ոգևորված չէ Նիկոլ Փաշինյանի այցելությամբ: Ես ներկա եմ եղել նախկին բոլոր նախագահների և վարչապետների հանդիպմանը, և կարող եմ ասել, որ նախկիններին իրոք չեն սպասել, կամ եթե սպասել են, ապա միայն բոյկոտելու համար: Բայց Նիկոլ Փաշինյանին սիրով ենք սպասում, որովհետև մենք հավատում ենք, որ նա մեր երկիրը ոտքի է կանգնեցնելու»:
Մանրամասները՝ տեսանյութում: