Եվրոպայում գազի կարիքները կարող են բավարարել այլ աղբյուրների օգնությամբ՝ կարծում է իտալական La Repubblica թերթի տեսաբանը: Նրա կարծիքով՝ Եվրոպան լիովին կարող է գոյատևել առանց ռուսական գազի և էներգակիրներ գնել Ասիայի և Աֆրիկայի մոռացված մատակարարներից:
Մաուրիցիո Ռիչիի կարծիքով՝ ռուսական գազից հրաժարվելու հարցը դրված է միայն քաղաքական հարթությունում: Իրականում ԵՄ-ն կարող է գոյատևել առանց Կրեմլի էներգիայի:
ԵՄ-ն արդեն ընդունել է 2014-ին միասնական էներգետիկ շուկա ստեղծելու որոշում, իսկ հաջորդ տարի կանցնի «Գազպրոմի» փոխարեն՝ Կենտրոնական և Արևելյան Եվրոպայում գազի մատակարարման լայն համակարգի զարգացման:
«Այս տարի դժվարություններ չեն լինի: Եվրոպայում գազի պաշարները կբավականացնեն մինչև հաջորդ ձմեռ: Եվ, իհարկե, դրանք չեն լինի 2016-ին, երբ արդեն միացվեն այլ աղբյուրներ: Մատակարարման գործում բացերը կառաջանան 2015 թվականին: Ինչպե՞ս փոխարինել 130 մլրդ խորանարդ մետր գազը, որը մենք ներկրել ենք Ռուսաստանից»,- գրում է պարբերականը:
Տեսաբանը ԵՄ-ին խորհուրդ է տալիս դեռևս հույս չդնել ամերիկյան գազի վրա, քանի որ Վաշինգտոնը Եվրոպայում վաճառքի համար անհրաժեշտ ենթակառուցվածք չունի:
Հոդվածում նշվում է, որ կարելի է դիմել մատակարարներին, որոնց մասին մոռացել էին: Նորվեգիան և Հյուսիսային Աֆրիկան արդեն հանդիսանում են գազի կարևոր աղբյուրներ: Նորվեգիան կկարողանա 20 մլրդ խորանարդ մետրով ավելի գազ մատակարարել, քան հիմա, իսկ Հյուսիսային Աֆրիկան՝ 15 միլիարդով ավելի:
Հեղինակն առաջարկում է նաև մեծացնել Նիդերլանդներում գազի արդյունահանումը՝ Գրոնինգեն հանքավայրում 43 մլրդ խորանարդ մետրից հասցնելով 60 միլիարդի:
Էներգետիկ շուկայի դիվերսիֆիկացման խնդիրը կայանում է արժեքում: Հարավամերիկյան և մերձավորարևելյան գինը լոգիստիկայի պատճառով արժե ավելի թանկ, քան ռուսականը:
«Ռուսական գազի 1000 խորանարդ մետրն արժե 350 դոլար, մինչդեռ հեղուկացված գազն Ասիայից վաճառվում է 700 դոլարով: Կարելի է գինը գցել մինչև 500 դոլար: Դա թանկ է, քան «Գազպրոմի» դեպքում: Սակայն խոսքը միայն ներկրված գազի որոշակի հատվածի մասին է»,- ասվում է հոդվածում: Կարելի է ևս 60 մլրդ խորանարդ մետր գնել Մերձավոր Արևելքից և Հարավային Ամերկայից:
Բացը լրացնելու համար նա առաջարկում է ևս 15 մլրդ խորանարդ մետրը փոխհատուցել շնորհիվ արտադրությունում գազի կիրառման նվազեցման:
Նա կարծում է, որ կարելի է արդյունաբերությանը մղել ժամանակավորապես նավթի, ածխի կամ էլեկտրականության օգտագործման:
Լրագրողը կարծում է, որ Ռուսաստանը կարող է որոշել եվրոպական շուկան փոխարինել չինականով: Սակայն դա նրան կհաջողվի 2020 թվականից ոչ շուտ:
